ცხოველთა ჯანმრთელობის დაცვის მსოფლიო ორგანიზაციის (WOAH) ევროპის რეგიონული წარმომადგენლობის უფროს მრჩევლად საქართველოს წარმომადგენელი ვასილ ბასილაძე დაინიშნა
ვასილ ბასილაძე ცხოველთა ჯანმრთელობის დაცვის მსოფლიო ორგანიზაციის (WOAH) ევროპის რეგიონული წარმომადგენლობის უფროს მრჩევლად პარიზში გამართულ ცხოველთა ჯანმრთელობის დაცვის მსოფლიო ორგანიზაციის (WOAH) ასამბლეის 92-ე გენერალურ სესიაზე წარადგინეს. სესიაზე ვასილ ბასილაძემ ორგანიზაციის გენერალურ დირექტორს, ემანუელ სობერიონს გამოცხადებული ნდობისთვის მადლობა გადაუხადა და რეგიონში მიმდინარე და მომავალი სამოქმედო გეგმის შესახებ პრეზენტაცია წარადგინა, სადაც ცხოველთა ჯანმრთელობის დაცვისა და დაავადებების ეფექტიანი კონტროლის მიმართულებით არსებულ გამოწვევებზეც ისაუბრა. „საქართველო კვლავ აქტიურად იქნება ჩართული ორგანიზაციის დღის წესრიგით დადგენილი სტანდარტების დანერგვის პროცესში და განახორციელებს ყველა იმ ღონისძიებას, რომელიც ხელს შეუწყობს რეგიონში ცხოველთა დაავადებების პრევენციას და კონტროლს“-განაცხადა ვასილ ბასილაძემ ვასილ ბასილაძე, 2019 წლიდან დღემდე, სურსათის ეროვნული სააგენტოს უფროსის მოადგილის პოზიციას იკავებდა; არის საქართველოს მთავარი ვეტერინარი და WOAH-ის დელეგატი საქართველოდან. ვასილ ბასილაძე 2021 წლიდან WOAH-ის ევროპის რეგიონული კომისიის ბიუროს გენერალური მდივნის პოზიციაზე დაინიშნა და ორჯერ იქნა არჩეული ევროპის რეგიონული კომისიის ბიუროს ვიცეპრეზიდენტად. ცხოველთა ჯანმრთელობის დაცვის მსოფლიო ორგანიზაციის (WOAH) ევროპის რეგიონული წარმომადგენლობა 53 ქვეყანას აერთიანებს, მათ შორისა ევროკავშირის, ბალკანეთის, კავკასიის, ცენტრალური აზიისა და ევრაზიის ეკონომიკური გაერთიანების ქვეყნები, ასევე თურქეთი, ისრაელი და დიდი ბრიტანეთი. ცხოველთა ჯანმრთელობის მსოფლიო ორგანიზაციაში (WOAH) 183 წევრი ქვეყანაა გაერთიანებული. ორგანიზაცია წამყვან როლს ასრულებს და განსაზღვრავს ვეტერინარულ პოლიტიკას მსოფლიოში; ზედამხედველობას უწევს მისი იმპლემენტაციის პროცესს, აწესებს ცხოველთა სხვადასხვა დაავადებასთან ბრძოლის სტანდარტებს, რომლებიც ეხმარება ქვეყნებს დაავადებების აღმოფხვრაში და ცხოველებითა და ცხოველური პროდუქტებით უსაფრთხო ვაჭრობის უზრუნველყოფაში
იხილეთ სრულადყირიმ-კონგოს საწინააღმდეგოდ 5508 მსხვილფეხა საქონელია დამუშავებული დაავადება ყირიმ-კონგოს პრევენციის მიზნით, სურსათის ეროვნული სააგენტო რეკომენდაციებს ავრცელებს
სურსათის ეროვნული სააგენტო, ყირიმ-კონგოს დაავადების მართვის მიზნით, ადგილებზე, სადაც ადამიანის ინფიცირების შემთხვევები აღინიშნა, შესაბამის ღონისძიებებს ატარებს. ადამიანების დაავადების 80%-ზე მეტი სამცხე-ჯავახეთის რეგიონში ფიქსირდება. შესაბამისად, სააგენტოს სამცხე-ჯავახეთის რეგიონული სამსახურის ვეტერინარები, დაავადების კერებში, სოფლის მოსახლეობის საკუთრებაში არსებულ მსხვილფეხა საქონელს შესაბამისი პრეპარატებით (ინსექტოაკარიციდებით) ამუშავებენ. ამ დროისთვის დამუშავებულია 5508 პირუტყვი. პარალელურ რეჟიმში, დაავადების პრევენციის მიზნით, სურსათის ეროვნული სააგენტოს სპეციალისტები ფერმერებთან და მოსახლეობასთან საინფორმაციო კამპანიას ატარებენ. სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე ცხოველები დაამუშაონ არსებული ინსტრუქციის შესაბამისად; მინდორში მუშაობის დროს, ატარონ დახურული ტანსაცმელი და ფეხსაცმელი; ცხოველებს ტკიპები ხელთათმანისა და პინცეტის გამოყენებით მოაშორონ; დაავადების სიმპტომების გამოვლენის შემთხვევაში, დაუყოვნებლივ მიმართონ ექიმს. ყირიმ-კონგოს ცხელება ვირუსული, ზოონოზური, დაავადებაა, რომელის ძირითადი გადამტანი Hyalomma სახეობის ტკიპაა. ვირუსი აინფიცირებს მრავალი სახეობის ცხოველს და ზოგიერთი სახეობის ფრინველს. ადამიანი ტკიპის კბენის შედეგად ავადდება. ცხოველებსა და ფრინველებში დაავადება უსიმპტომოდ მიმდინარეობს, ხოლო ადამიანის შემთხვევაში, დაგვიანებულ მკურნალობას, შესაძლოა, ლეტალური შედეგი მოჰყვეს. სურსათის ეროვნული სააგენტო, ვეტერინარული სახელმწიფო კონტროლის წლიური პროგრამის ფარგლებში, ყირიმ კონგოს ეპიდემიოლოგიურ კერებში 2014 წლიდან ახორციელებს მსხვილფეხა საქონლის დამუშავებას. გარდა ამისა, ექტოპარაზიტების კონტროლის მიზნით, სააგენტოს მიერ, კახეთის, ქვემო ქართლის და მცხეთა მთიანეთის რეგიონებში განთავსებულ ვეტერინარული ზედამხედველობის პუნქტებზე წელიწადში ორჯერ, გაზაფხულსა და შემოდგომაზე, ხორციელდება მიგრაციული ცხოველების დამუშავება ინსექტოაკარიციდებით.
იხილეთ სრულადდედოფლისწყაროს მუნიციპალიტეტში, ზამთრის საძოვარზე არსებულ ფერმაში ცოფით ძაღლის დაავადების შემთხვევა დაფიქსირდა
ლაბორატორიული კვლევის შედეგად, ცოფით ძაღლის დაავადების შემთხვევა 20 მაისს დადასტურდა. ასევე დადგინდა, რომ ინფიცირების წყარო მგელია. სურსათის ეროვნული სააგენტო დაავადების კერაში საკარანტინო ღონისძიებებს ახორციელებს, რაც სავალდებულო ვაქცინაციას, ცხოველების გადაადგილების შეზღუდვას, დეზინფექციას და ცხოველებზე ვეტერინარულ ზედამხედველობას გულისხმობს. შემთხვევის შესახებ ეცნობა ჯანდაცვის შესაბამის უწყებებს. ცოფი საშიში ზოონოზური დაავადებაა, რომლითაც ავადდება როგორც შინაური და გარეული ცხოველი, ასევე ადამიანი. ინფექცია ვრცელდება დაავადებულ ცხოველთან კონტაქტით (დაკბენა, დაკაწვრა). კლინიკური ნიშნების გამოვლენის შემდეგ, დაავადება ლეტალობით სრულდება. ცხოველებში ცოფის პრევენცია შესაძლებელია ვაქცინაციით. სურსათის ეროვნული სააგენტო ყოველწლიურად ატარებს უფასო ვაქცინაციას ცოფის საწინააღმდეგოდ და 300 ათასამდე ცხოველს ცრის.სააგენტო მოუწოდებს მოსახლეობას, დროულად ჩაუტარონ საკუთარ შინაურ ცხოველებს (ძაღლი, კატა) ვაქცინაცია, რათა თავიდან აიცილონ ცხოველების ცოფით დაავადება და საფრთხე არ შეუქმნან საკუთარ სიცოცხლეს.
იხილეთ სრულადდასავლეთ საქართველოში აზიური ფაროსანას მონიტორინგი და სპეციალური სადგურების დამონტაჟება მიმდინარეობს
აზიურ ფაროსანასთან ბრძოლის სახელმწიფო პროგრამის ფარგლებში, დასავლეთ საქართველოს ყველა ადმინისტრაციულ ერთეულში მავნებლის საწინააღმდეგო სპეციალური სადგურების და მონიტორინგის სისტემების დამონტაჟების სამუშაოები ტარდება.ფაროსანასთან ბრძოლის საკოორდინაციო მართვის ცენტრის სპეციალისტები, უკვე განთავსებული ხაფანგების მეშვეობით ახორციელებენ მავნებლის რაოდენობის და არეალის დადგენას. მიღებული შედეგების ანალიზის საფუძველზე იგეგმება კონტროლის ღონისძიებები.„მოიზიდე და გაანადგურე“ სადგურების განთავსებასთან ერთად ტარდება წერტილოვანი შეწამვლა ცივი შესხურების მეთოდით. აღსანიშნავია, რომ ფუტკრის დაზიანების თავიდან აცილების მიზნით, სადგურები არაყვავილოვან მცენარეებზე მონტაჟდება.ფაროსანასთან ბრძოლის ღონისძიებებში ჩართული არიან ადგილობრივი თვითმმართველობების წარმომადგენლები. საკოორდინაციო მართვის ცენტრში, მოსახლეობის ინფორმირების მიზნით, ფუნქციონირებს სატელეფონო გზავნილების სისტემა. ღონისძიებების შესახებ დეტალური ინფორმაცია ხელმისაწვდომია ვებგვერდზე parosana.ge.
იხილეთ სრულად
