საიტი მუშაობს სატესტო რეჟიმში

სურსათის ეროვნული სააგენტო

მენიუ

HACCP-ის სისტემის გაცნობის მიზნით, ბიზნესოპერატორებთან მორიგი საინფორმაციო შეხვედრა გაიმართა

ბიზნესსექტორის წარმომადგენლებს, რომელთათვისაც 2023 წლის 1 ივნისიდან საფრთხის ანალიზისა და კრიტიკული საკონტროლო წერტილების (HACCP) სისტემის დანერგვა სავალდებულო ხდება, სურსათის ეროვნული სააგენტოს სპეციალისტებმა HACCP-ის სტანდარტის შესახებ დეტალური ინფორმაცია მიაწოდეს. აღინიშნა, რომ  კრიტიკული საკონტროლო წერტილების დანერგვა საშუალებას იძლევა, წინასწარ განისაზღვროს და გაკონტროლდეს სურსათის წარმოება-რეალიზაციის პროცესში არსებული პოტენციური საფრთხეები და, შესაბამისად, მომხმარებელს უვნებელი სურსათი მიეწოდოს. HACCP-ის სისტემის დანერგვა, ევროკავშირთან ღრმა და ყოვლისმომცველი  თავისუფალი სავაჭრო სივრცის შესახებ შეთანხმების (DCFTA) შესაბამისად, ეტაპობრივად მიმდინარეობს და 2023 წლის 1 ივნისიდან სურსათის მწარმოებელი ყველა ბიზნესოპერატორისთვის სავალდებულო ხდება. საფრთხის ანალიზის და კრიტიკული საკონტროლო წერტილების სისტემა (HACCP) ინერგება მას შემდეგ, რაც ბიზნესოპერატორი დააკმაყოფილებს წარმოების სანიმუშო პრაქტიკის მოთხოვნებს და განახორციელებს წინასწარ აუცილებელ პროგრამებს (GMP და GHP). 

იხილეთ სრულად

საქართველო პირველი ქვეყანაა, რომელიც ცხოველთა დაავადებებზე ზედამხედველობის ელექტრონული ინტეგრირებული სისტემის (EIDSS) 7.0 ვერსიაზე გადავა

სისტემის ტექნიკური დეტალები განიხილეს სურსათის ეროვნულ სააგენტოში გამართულ შეხვედრაზე, რომელსაც აშშ-ის თავდაცვის საფრთხეების შემცირების სააგენტოს (DTRA) და ბიოლოგიური საფრთხის შემცირების პროგრამის (BTRP) წარმომადგენლები ესწრებოდნენ. სურსათის ეროვნული სააგენტოს უფროსის მოადგილემ ვასილ ბასილაძემ აშშ-ის თავდაცვის საფრთხეების შემცირების სააგენტოს (DTRA) მადლობა გადაუხადა თანამშრომლობისთვის და ხაზი გაუსვა ვეტერინარიის მიმართულებით განხორციელებული პროგრამების მნიშვნელობას. აშშ-ის საელჩოს თავდაცვის საფრთხეების შემცირების სააგენტოს უფროსის მოადგილემ ნატალია ფროლოვამ აღნიშნა, რომ სურსათის ეროვნულ სააგენტოსთან წარმატებული პარტნიორობის შედეგია  ის გარემოება, რომ საქართველო პირველი ქვეყანაა, რომელიც დაავადებებზე ზედამხედველობის ელექტრონული ინტეგრირებული სისტემის (EIDSS) 7.0 ვერსიაზე გადავა.დაავადებებზე ზედამხედველობის ელექტრონული ინტეგრირებული სისტემა (EIDSS) საქართველოში, აშშ-ის თავდაცვის საფრთხეების შემცირების სააგენტოს ბიოლოგიური საფრთხის შემცირების პროგრამის (BTRP) ფარგლებში დაინერგა. მისი მიზანია, ერთიანი ჯანდაცვის პრინციპების გათვალისწინებით, ინფექციური (მათ შორის ზოონოზური - დაავადებები, რომელიც ადამიანს ცხოველისგან გადაეცემა) დაავადებების  დროულად იდენტიფიცირება და ინფორმაციის გაცვლა კომპეტენტურ ორგანოებს - სურსათის ეროვნულ სააგენტოს, სოფლის მეურნეობის სახელმწიფო ლაბორატორიასა და დაავადებათა კონტროლისა და საზოგადოებრივი ჯანმრთელობის ეროვნულ ცენტრს შორის.

იხილეთ სრულად

რესტორან „მანგალს“ საწარმოო პროცესი შეუჩერდა

სურსათის ეროვნული სააგენტოს ქვემო ქართლის რეგიონულმა სამმართველომ მარნეულში, რუსთაველის N61-ში მდებარე რესტორან "მანგალს" კრიტიკული შეუსაბამობების გამო საწარმოო პროცესი შეუჩერა. სააგენტოს ინსპექტორებმა ობიექტი შემოსული შეტყობინების საფუძველზე შეამოწმეს, რომლის მიხედვითაც 10 მოზარდის ინტოქსიკაციის შემთხვევა დაფიქსირდა. სააგენტომ ინფორმაციის მიღებისთანავე მყისიერად განახორციელა რეაგირება. ლაბორატორიული კვლევისთვის აღებულია სურსათის ნიმუშები.

იხილეთ სრულად

2023 წლის 1 ივნისიდან, HACCP-ის სტანდარტი სურსათის მწარმოებელი ყველა ბიზნესოპერატორისთვის სავალდებულო იქნება

სურსათის მწარმოებელ  ყველა ბიზნესოპერატორს ეკისრება ვალდებულება,  საფრთხის ანალიზისა და       კრიტიკული საკონტროლო წერტილების სისტემა  (HACCP)  2023 წლის  1 ივნისამდე  დანერგოს. ახალი რეგულაცია გავრცელდება  შემდეგ ბიზნესოპერატორებზე: სასურსათო მაღაზია, მარკეტი; თაფლის რეალიზაცია; ნახევარფაბრიკატების რეალიზაცია; ბავშვთა კვების წარმოება, რეალიზაცია, რძითა და რძის პროდუქტებით ვაჭრობა, ხილ-ბოსტნეულის რეალიზაცია;აგრარული ბაზარი; დახლზე ვაჭრობა, ხორცის რეალიზაცია;ბადაგისა და ჩურჩხელის წარმოება; კვების პროდუქტების შენახვა, შეფუთვა, დაფასოება;მცენარეული ცხიმის, მაიონეზის, ზეთის, მარგარინის წარმოება;საქართველოს ტერიტორიაზე სარეალიზაციოდ განკუთვნილი ნიგვზის, თხილის, მზესუმზირის და მისთანების გადამუშავება, რეალიზაცია;პურ-ფუნთუშეულის წარმოება, ფქვილოვანი პროდუქციის წარმოება,  პურის საცხობი, თონე, არახანგრძლივი შენახვის საკონდიტრო ნაწარმის წარმოება, ბურბუშელას წარმოება, ფქვილის, ბურღულეულის წარმოება, მარცვლეულის, ფქვილის რეალიზაცია, ორცხობილებისა და მშრალი ნამცხვრების წარმოება; ხანგრძლივი შენახვის ცომეული საკონდიტრო ნაწარმის და ნამცხვრების წარმოება, პურის დისტრიბუცია, პურ-ფუნთუშეულით ვაჭრობა, საკონდიტრო წარმოება, შოკოლადის წარმოება, წისქვილი;საკონსერვო წარმოება;სუნელ-სანელებლების წარმოება, დაფასოება, შენახვა, რეალიზაცია; საკვებდანამატების წარმოება, შენახვა, რეალიზაცია; აჯიკის, მდოგვის, სვანური მარილის წარმოება, დაფნის ფოთლის წარმოება, რეალიზაცია; უალკოჰოლო სასმელების, ბოთლის სასმელი წყლის წარმოება, ყავის და ჩაის გადამუშავება, რეალიზაცია, დისტრიბუცია, ცენტრალიზებული წყალმომარაგება;შაქრის, მარილის წარმოება;გამომშრალი ხილის წარმოება, ჩიფსის წარმოება.სურსათის ეროვნული სააგენტოს სპეციალისტები, ინფორმირების მიზნით, ბიზნესოპერატორებთან შეხვედრებს გამართავენ.  ევროკავშირთან ღრმა და ყოვლისმომცველი  თავისუფალი სავაჭრო სივრცის შესახებ შეთანხმების (DCFTA) შესაბამისად, HACCP-ის სისტემის დანერგვა სხვადასხვა პროფილის ბიზნესოპერატორთან ეტაპობრივად მიმდინარეობს. 2015 წლიდან  HACCP სავალდებულოა ნედლი რძის თერმულად გადამამუშავებლებისა და ცხოველთა სასაკლაოებისთვის;2019 წლიდან - ექსპორტისთვის განკუთვნილი თხილის გულისა და გადამუშავებული თხილის გულის დამამზადებლებისთვის;2021 წლის იანვრიდან - ცხოველური წარმოშობის სურსათის წარმოება ან/და გადამმუშავებლებისთვის;2021 წლის ივნისიდან - სურსათის  წარმოება/გადამმუშავებლებისთვის საცალო ვაჭრობის პუნქტში.საფრთხის ანალიზი და კრიტიკული საკონტროლო წერტილების სისტემა - HACCP ინერგება მას შემდეგ, რაც ბიზნესოპერატორი დააკმაყოფილებს წარმოების სანიმუშო პრაქტიკის მოთხოვნებს და განახორციელებს წინასწარ აუცილებელ პროგრამებს (GMP და GHP). სისტემა ბიზნესოპერატორს საშუალებას აძლევს, წინასწარ განსაზღვროს და თავიდან აიცილოს სურსათის უვნებლობის პოტენციური საფრთხეები, მომხმარებელს მიაწოდოს უვნებელი სურსათი,  შეამციროს მომხმარებლებში სურსათისმიერი დაავადებების შემთხვევები, რაც აამაღლებს მისი ბიზნესის კონკურენტუნარიანობას და  გაზრდის მომხმარებლის ნდობას. 

იხილეთ სრულად