სურსათის განადგურება
სურსათი ექვემდებარება განადგურებას იმ შემთხვევაში, თუ იგი გაფუჭებულია, ვადაგასულია, ან წარმოადგენს დაავადების აღმოცენების ან გარემოს დაბინძურების წყაროს.
სურსათის განადგურების შესახებ გადაწყვეტილებას იღებს სურსათის ეროვნული სააგენტოს უფროსი. ქ. თბილისის სამმართველოსა და რეგიონალური სამმართველოების უფროსები. განადგურების ხარჯებს ანაზღაურებს მწარმოებლი ან დისტრიბუტორი. სურსათის განადგურება ხდება სააგენტოს უფლებამოსილი მოხელის თანდასწრებით. განადგურების შემდეგ დგება შესაბამისი აქტი ორ ეგზემპლარად, რომელთაგან ერთი გადაეცემა უფლებამოსილ მოხელეს, ხოლო მეორე - მწარმოებლის მიერ ინახება ორი წლის განმავლობაში.
შესაბამისი აკრედიტებული ორგანოს ნებართვის საფუძველზე შესაძლებელია ასევე სურსათის უტილიზაცია საკვების ტექნიკური გადამუშავების მიზნით. უტილიზაციის გადაწყვეტილებას აკრედიტებული ორგანოს მიერ ჩატარებული ექსპერტიზის საფუძველზე იღებს სააგენტო. უტილიზაცია ნებაყოფლობითია და მის ხარჯებს ანაზღაურებს მწარმოებელი.
სურსათის მწარმოებელი ვალდებულია, გასანადგურებელი ან უტილიზაციისათვის განკუთვნილი სურსათი შეინახოს იზოლირებულად.
სურსათის/ცხოველის საკვების განადგურების აქტის ნიმუში
ვებგვერდი შეიქმნა ევროკავშირის მიერ დაფინანსებული პროექტის GEPLAC-ის მხარდაჭერით